Crédit Photo : Fotolia
Forse, avete rimarcatu chì dipò calchì tempu, a nostra municipalità hà intrapresu di dà di novu a so piazza à a lingua Corsa indè a nostra comunità :
- Corsi di corsu gratuiti, sò pruposti à i Lumiacci, una volta à a simana (u vennari, da 10ore à meziornu, aparti à ogni livellu).
- Avemu pigliatu u partitu, cum'è ci l'impone u livellu numaru 3 di a cartula di a lingua, firmata incù a CTC, di favurisce a tupunimia corsa per a signalitica è ogni ducumentu amministrativu è cumunicati emessi da a nostra Casa Cumuna.
Indè u rispettu di u nostru impegnu puliticu per a salvezza di a nostra lingua, fendu seguita di a nostra messa in piazza di parechji stuvigli, per dà li a so piazza ind'è a nostra sucetà, a squadra municipale di Lumiu hè felice d'infurmà vi a messa in linea di a versione Corsa di u situ internet di a casa cumuna : www.casacumunalumiu.corsica, Accessibile ugualmente dipò u situ in francese. Truvarete l'informazione essenziale, l'attualità, i prugetti, avviniment chì ritimeghjenu a vita di a nostra cumuna è arrichiscenu u nostri desideriu di campà inseme.
Vi prighendu bona lettura, ùn smiticate micca, A lingua hè viva, ci tocca à parlà la.
