TRAVAGLI

• I dibattiti participativi chì si sò svuglinati da a fine d'agostu à sittembre, anu cunfirmatu l'aspittanze di i Lumiacci per a strada. Un diagnosticu di priurità è di numerazione di e rinuvazone rializate nanzu, hè sbuccatu à nant'à mercati di cumande in corsu d'elaburazione. E cupriupietà Aria Marina, Cocody I è II situate in Sant'Ambrosgiu, participendu à l'invistimentu finanzariu cù 20 000 €, a rifattura di a strada d'Orsu Longu in Sant'Ambrosgiu (da a zampa di l'oca fin'à u locu chjamatu "A buscica") hà da esse fattu in priurità.
•  A strada di Grane è Grossu hà fattu l'ugettu d'imbutulatu à nant'à a 1ma parte. Per via a custrizzione da u finanzamentu, a ripresa di u cantariu hè pianificata per sittembre è a fine privista d'ottobre 2014.
• Una campagna d'imbutulatura à freddu hè stata iniziata à u lindumane di l'elezione, per pallià l'urgenze. Parechji inchjappilature sò state rifatte. Parafochi sò stati rializati.

• A messa in securità è revizione di e stellazione di risanimentu (stazione d'epurazione, postu di rileva, gruppi eletrugenu) sò stati effetuati. I servizii cumunale anu rimessu in statu e stallazione di e pompe d'epurazione di Sant Ambrosgiu, cù a revizione di è stazione di rileva. I cuntrolli fatti à nant'à i rigetti sò cunformi, a stazione d'epurazione funzuneghje di manera ottimale. Per ciò chì hè di u studiu di a messa à norme biulogiche, hè in corsu è hà da esse cuncretizatu mentre l'annata 2015.
• L'analise di l'indicatori sciffrati, palesa chì vulimini impurtanti d'acqua piuvanu si lampanu in a reta di risanimentu culletivu è aumenta assai a fattura di l'acque fruste, ch'ella sia per a pozza di u pughjale di u paese chì l'epurazione hè trattata à a STEP di Calvi o per Sant'Ambrosgiu chì a STEP cumunale hè fatta in regia. A casa cumuna manda una chjama à u civisimu, chì ognunu à u so livellu verificheghje chì, indè e prupietà private e canalette di i tetti, e viutature di i bagnatoghji, anzi ogni tippu di spisciula d'origine piuvana s'evacueghjenu bè indè a natura cù l'acque di a piogia ùn si mischianu micca à l'acque fruste in cunfurmità cù i scritti di a pulizza di l'acqua.

A messa in securità è a revizione di e stallazione di pompe è di distribuzione d'acqua putabile (pulizia di i pozzi d'acqua, rimpiazzamentu di e pompe di l'estrattore d'acqua è di distribuzione) sò state fatte.

• I lucali di a casa cumuna è di a cantina sò stati insunurizati, ciò chì hè apprizatu da e persone chì ci intervenu ogni ghjornu.
• E chjappelle di a cantina sò state riparate.
• Cum'era privistu, parechji travagli sò stati fatti indè a scola. Securisazione di l'accessi (stallazione di camerà) prutezzione intornu à l'arburi è chjudende di securità indè a corte, rinnuvazione indè a scola è a cantina.

A starzatura di a cunfraterna è di a ghjesgia hè stata fatta.

Una revisione generale hè stata fatta à nant'à l'inseme di a schjarisciatura pubblica, una prugrammazione per risparmià l'energia hè stata stallata.