casacumunalumiu

SMACHJERA




Crédit Photo : Fotolia
Crédit Photo : Fotolia
Ogni annu, a casa cumuna si deve di mette in piazza una vera pulitica di smachjera, per mette in securità l'iseme di i citadini. Sè quist'annu i travagli puderanu esse fatti in maiò parte in regia, ùn si pò sottu stimà u prezzu d'una tale campagna.
Ghjè per quessa chì ci vole à ramintà chì ogni prupietariu d'un abitazione annant'à un tarrenu abbuscatu, u deve smachjà. St'ubblicazione di u codice furestieru (L322-3) è di a lege d'urientazione à nant'à a furesta 2001. A smachjera hè un attu civicu, rispunsevule è ubblicatoriu è custitueghje un veru mezu di lotta contr'à u sparghjimentu di u focu.
 
Uni pochi rievucazione :

A lege d'urientazione à nant'à a furesta cunfirmeghje l'ubblicazione di smachjà
  • À nant'à un raghju di 50 metri, intornu à una custruzzione, situata à menu di 200m di una furesta o di machja.
  • 10 metri di ogni latu d'una via d'accessu.
  • L'inseme di u tarrenu in zona urbana chì u vostru tarrenu sia edificatu o micca.
 
Secondu l'Art L322-3 di u codice furestieru siente i casi, e persone rispunsevule di a smachjera sò sfarente.
 
Esempii :

SMACHJERA

Casu n°1

  • Site u prupietariu A, situatu in zona urbana è ùn avete miccà stallazione à nant'à u vostru tarrenu: ùn site micca sotumessu à l'ubblicazione di smachjà.
  • Site u prupietariu B, duvete smaghjà in un raghju di 50m intornu à a vostra casa. Sè sta distanza si stende ind'è i prupietarii A o C, duvete avè u so accordu.
  • U raghju di 50m intornu à a casa di u prupietariu C ùn si stende micca à nant'à nissun tarrenu. Smachje solu ind'è ellu.

SMACHJERA

Casu n°2

  • Site u prupietariu A situatu in zona micca urbana è ùn avete micca stallazione à nant'à u vostru tarrenu : ùn site micca ubblicati di smachjà.
  • Site u prupietariu B o C, duvete smachjà à nant'à un raghju di 50 m intornu à e vostre case. Cum'è sta distanza si stende ind'è i prupietariu A, B o C duvete avè ogni accordu.  
  • Per e parte cumune trà i prupietariu B è C, i travagli devenu esse fatti à 50 % da ogni prupietariu.












Iscrizzione new letter