casacumunalumiu

LUMIU GHJUVENTÙ SPORTU 2021 / 2022



LUMIU GHJUVENTÙ SPORTU 2021 / 2022


 

U CCAS di Lumiu hè primurosu di sviluppà un azione suciale adattata à e tappe di a vita d'ogni amministrati di a nostra cumuna. In issu cuntestu, avemu vulsutu avvià un aiutu educativu è socializante per i nostri più giovani chì faranu u Lumiu di dumane. Da quell'azzione, u sportu hè in centru di e nostre primure, i so benfatti sò evidenti ad'ogni età, tantu da e so dimensione fisiche è psiculogiche.

Per i zitelli in particulare, permette un sviluppu armuniosu per a messa in piazza di i riferimenti, hè un mezu perfettu di suciabilisazione è un scambiu educativi fundamentale. L'amparera di a percezione di se è di l'altru sviluppe stu bellu sistema d'appartinenza chì ci hè cusì caru. U rispettu, l'impegnu cullettivu è l'eticu di u fa bè inseme, di u campà inseme, venenu allora à cumplettà i riferimenti individuali è cullettivi dendu sensu à i nostri valori cumuni è à a forza di e so trasmissione.

Cusì u CCAS di Lumiu vole dà i giovani lumiacci i mezi di praticà rigularmente è durevulemente una disciplina scelta in un club.

U dispusitivu « Lumiu Ghjuventù Sportu », messu in piazza dipò 2016, cuncerneghje i zitelli di famiglie chì benefizieghjenu di l’allucazione rientrata sculare, chì anu trà 6 è 17 anni, è stendu annat'à a cumuna.

U CCAS pigliemu in carica una partita di u finanzamentu di a licenza spurtiva à un'altezza di 100 €.

I cartulari per benefizà di quell'aiutu sò da ritirà à i servizii amministrativi di a casa cumuna.

DA INCARICÀ










DUCUMENTU DA INCARICÀ






Iscrizzione new letter