casacumunalumiu

EDITO - INGUERNU 2019



A Francia cuntinentale hè intrata ind'una crisa sucietale insolita è tenace attraversu u muvimentu di " i curpetti gialli". Quellu quì, franche largamente, di manera curiosa, a Corsica ind'u so modu di spressione. A nostr'isula, chì hè purtantu raperturiata cum'è u tarritoriu francese u più toccu da a precarità, fideghja cù fiacchezza è svantaggiu, tutti sti sabbati ciambastrati, cum'è si tuttu issu scumbugliu, ùn li cuncernerebbe micca : da crede chì i nostri cumpatriotti anu capitu dipò un pezzu chì i cambiamenti maiò ùn ponenu solu risultà di suluzione glubale, risultante di l'agguantata di donne è d'omi di i sfarenti tarritorii di a Repubblica, di u so propiu distinu, à u pianu ecunomicu, suciale è culturale. 
Di dicembre, i corsi anu accumpagnatu ind'u so ultimu restale, u Duttore Edmond Simeoni, figura carismatica, è gran difensore storicu di a cumunità Corsa, di a so lingua è di a so giuventù. A so parola, ch'ùn mancava di fassi sente indè mumenti difficiuli di a nostr'isula cuntempuranea, mancarà crudelmente. 

In umaggiu à a so vita esemplare, u cunsigliu municipale di Lumiu hà decisu, à l'unanimità, chì u gruppu sculare di u paese, chì à rializazione hè vicina, purtarà u so nome. 

In listessu tempu, à l'alba di l'ultim'annata di a u so mandatu, a nostra municipalità hà diggià rializatu l'obiettivi maiò prugrammati mentre a so elezzione. In cunsequenza, incù Etienne Suzzoni, u nostru merre, evuchemu oramai L'obiettivi è ambizione di u periodu 2020-2026 : una nova è immensa incumbenza s'annunce, ne riparlaremu in tempi vulsuti. 

Care Lumiacce, Cari Lumiacci, vi prighemu una bona fine d'invernu è un invincibile veranu. 
À tutt'è à tutti, bona salute è bona strada. 


Jean Paolini, 
1er Adjoint 
1mu Agiuntu









DUCUMENTU DA INCARICÀ






Iscrizzione new letter