Care Lumiacce, cari Lumiacci,
Dop'à un veranu puntuatu di pioggie salvatrice, l'isula di Corsica hà ritrovu i so veri culori. Ben ch'in quellu principiu d'estate i nostri visitadori parenu di menu numarosi chì d'abitudine, "mundiale ubblicheghje", a cumuna di Lumiu cuntinueghje ustinamente a so marchja in davant appughjata versi a so mudernizazione è a criazione di stuviglii strutturanti è a rinnascita di u so patrimoniu.
À squadra municipale ùn debbulisce micca davant'à l'incumbenza : u sforzu custante è l'abnegazione sò diventati u so Credo. Oramai, nissun dubbitu chì a pupulazione, i prupietarii di residenze secundarie, quelli in vacanze, piglianu cun piacè, a strada di u bordu di mare rinnuvata. I nostri prugetti avanzanu è da quì à pocu, u cantieru di a scola nova hà da sorte di tarra. Altre rializazione si prufileghjenu dinò sarebbe troppu longu d'amintuvalli tutti in un edituriale.
U nostru paese s'affirmeghje ind'a so ruralità è a so tradizione d'accolta è d'umanismu. L'azzione vigurosa di u centru cumunale d'azzione suciale n'hè a prova manifesta è dimostre a nostra vulintà di custruisce u legame di u campà Inseme. À l'ora chì a Corsica cerca per via à dialogu à ricuniscenza di a so identità millenaria, a squadra maiuritaria di a cumuna hè cusì felice di participà à a custruzzione di quella catena d'unione cunsacrendu l'apertura, a tullerenza è a vulintà irrimuvibile di serve u so vicinu.
À tutt'i nostri cuncitadini è a i Corsi di a diaspora, preghemu un estate agredevule, carcu di felicità; à quelli chì sò in vacanze ind'è noi, un bellu riposu, unu scontru fecondu incù a nostra cultura, u nostru patrimoniu, e nostre tradizione è a nostra natura cusì maravigliosa.
À tutte è tutti, vi dimu : campate felici.
Jean Paolini
1mu Aggiuntu à u Merre
Dop'à un veranu puntuatu di pioggie salvatrice, l'isula di Corsica hà ritrovu i so veri culori. Ben ch'in quellu principiu d'estate i nostri visitadori parenu di menu numarosi chì d'abitudine, "mundiale ubblicheghje", a cumuna di Lumiu cuntinueghje ustinamente a so marchja in davant appughjata versi a so mudernizazione è a criazione di stuviglii strutturanti è a rinnascita di u so patrimoniu.
À squadra municipale ùn debbulisce micca davant'à l'incumbenza : u sforzu custante è l'abnegazione sò diventati u so Credo. Oramai, nissun dubbitu chì a pupulazione, i prupietarii di residenze secundarie, quelli in vacanze, piglianu cun piacè, a strada di u bordu di mare rinnuvata. I nostri prugetti avanzanu è da quì à pocu, u cantieru di a scola nova hà da sorte di tarra. Altre rializazione si prufileghjenu dinò sarebbe troppu longu d'amintuvalli tutti in un edituriale.
U nostru paese s'affirmeghje ind'a so ruralità è a so tradizione d'accolta è d'umanismu. L'azzione vigurosa di u centru cumunale d'azzione suciale n'hè a prova manifesta è dimostre a nostra vulintà di custruisce u legame di u campà Inseme. À l'ora chì a Corsica cerca per via à dialogu à ricuniscenza di a so identità millenaria, a squadra maiuritaria di a cumuna hè cusì felice di participà à a custruzzione di quella catena d'unione cunsacrendu l'apertura, a tullerenza è a vulintà irrimuvibile di serve u so vicinu.
À tutt'i nostri cuncitadini è a i Corsi di a diaspora, preghemu un estate agredevule, carcu di felicità; à quelli chì sò in vacanze ind'è noi, un bellu riposu, unu scontru fecondu incù a nostra cultura, u nostru patrimoniu, e nostre tradizione è a nostra natura cusì maravigliosa.
À tutte è tutti, vi dimu : campate felici.
Jean Paolini
1mu Aggiuntu à u Merre
