Care Lumiacce, Cari Lumiacci,
U 15 di marzu, v'avete cunfidatu a gestione di a cumune per a mandatura 2020-2026. Indè un cuntestu sanitariu di tantu pinseri, site stati numarosi, ( più di 46%), à spiazzavvi è da u vostru votu, ( 44%), à sustene a nostra lista. In nome di a squadra sana, vi RINGRAZIEMU. A vostra fidanza c'ingagia à tutti.
Indè a seguita di l'elezzione, a pandemia chì hà culpitu u tarritoriu francese, hà dinò toccu a nostra bella isula, è oghje, i stimmi di sta crisa sò evidenti; famiglie in dolu, famiglie acciaccate in corpu, una pupulazione traumatizata da u risicu d'infezzione, un'ecunumia ridutta incù u mutore si u turisimu senza energia. Fidendusi à i segni annunziatori, ind'è noi di più chì altrò, l'inguernu è u veranu da vene saranu una tappa difficiule per a maiurità di i nostri attori ecunomichi è in cunsequenza, per parechji di i nostri cumpaisani.
Cullettivamente, duvemu priparacci. Travagliendu per pudè salvà tuttu ciò chì pò esse salvatu di a stagione turistica è dopu a stagione. Per u restu, essendu sulidarii, mubilizendu ogni mezu è l'energie dispunibile, a Corsica, a Francia, l'Auropa sò ingagiate indè listessu cumbattu, quellu di a SULIDARITÀ è di u RILANCIU.
Incù lucidità è suttilezza, ognunu à livellu soiu, duverà azziunà i bon pali per esse à l'altezza di quella sfida immensa, quella di u rilanciu ECUNOMICU, rispettuosu di u nostru ecosistema.
À livellu cumunale, à livellu di a sulidarità, l'eletti, u persunale, u CCAS, l'associ, i benevuli, cum'elli anu sapiutu falla mentre u cunfinamentu, fidi à u credo di u "Campà Inseme", rispunderanu prisenti, in misure di i mezi, à ogni situazione chì a puderanu esige.
Per u rilanciu, i prugetti d'investimentu privisti da a cumuna sò mantenuti anzi accelerati. Cusì, u cantieru di a scola hè lanciatu, l'uffiziu d'infurmazione turisimu purtatu da a Cumunità di e Cumune principiarà di sittembre. Sta fine d'annata, a cumpiera di u PLU hà da permette d'anticipà a rializazione di prugetti ecunomichi privati, criatori d'impiechi. I travaglii di custruzzione d'alloghji accessibili di Cala Stella anu principiatu è u prugettu di Schinali seguitarà. A Casa Ovale di u Tarritoriu annant'à u Stadiu di Rugby avanze, una via ferrata sera custruita annant'à u situ di Bracaghju. I studii per a priservazione di l'acconci paisaghji di i nostri spazii litturali, è a rinnuvazione di di a torra Caldanu saranu lanciati à a rientrata. U pianu di rifarenza di a marina di Sant'Ambrosgiu si compie è u prugettu d'accunciamentu di u centru anzianu hè in corsu di prugrammazione.
In aspittendu, gudemu tutti di a dulcezza in quellu periodu d'istatina, è rispittendu i gesti barriera è l'alluntananza, ritruvemuci, indè l'umore bonu è a gioia di campà di u nostru PAESE magnificu di Lumiu.
Etienne Suzzoni
Merre di Lumiu
U 15 di marzu, v'avete cunfidatu a gestione di a cumune per a mandatura 2020-2026. Indè un cuntestu sanitariu di tantu pinseri, site stati numarosi, ( più di 46%), à spiazzavvi è da u vostru votu, ( 44%), à sustene a nostra lista. In nome di a squadra sana, vi RINGRAZIEMU. A vostra fidanza c'ingagia à tutti.
Indè a seguita di l'elezzione, a pandemia chì hà culpitu u tarritoriu francese, hà dinò toccu a nostra bella isula, è oghje, i stimmi di sta crisa sò evidenti; famiglie in dolu, famiglie acciaccate in corpu, una pupulazione traumatizata da u risicu d'infezzione, un'ecunumia ridutta incù u mutore si u turisimu senza energia. Fidendusi à i segni annunziatori, ind'è noi di più chì altrò, l'inguernu è u veranu da vene saranu una tappa difficiule per a maiurità di i nostri attori ecunomichi è in cunsequenza, per parechji di i nostri cumpaisani.
Cullettivamente, duvemu priparacci. Travagliendu per pudè salvà tuttu ciò chì pò esse salvatu di a stagione turistica è dopu a stagione. Per u restu, essendu sulidarii, mubilizendu ogni mezu è l'energie dispunibile, a Corsica, a Francia, l'Auropa sò ingagiate indè listessu cumbattu, quellu di a SULIDARITÀ è di u RILANCIU.
Incù lucidità è suttilezza, ognunu à livellu soiu, duverà azziunà i bon pali per esse à l'altezza di quella sfida immensa, quella di u rilanciu ECUNOMICU, rispettuosu di u nostru ecosistema.
À livellu cumunale, à livellu di a sulidarità, l'eletti, u persunale, u CCAS, l'associ, i benevuli, cum'elli anu sapiutu falla mentre u cunfinamentu, fidi à u credo di u "Campà Inseme", rispunderanu prisenti, in misure di i mezi, à ogni situazione chì a puderanu esige.
Per u rilanciu, i prugetti d'investimentu privisti da a cumuna sò mantenuti anzi accelerati. Cusì, u cantieru di a scola hè lanciatu, l'uffiziu d'infurmazione turisimu purtatu da a Cumunità di e Cumune principiarà di sittembre. Sta fine d'annata, a cumpiera di u PLU hà da permette d'anticipà a rializazione di prugetti ecunomichi privati, criatori d'impiechi. I travaglii di custruzzione d'alloghji accessibili di Cala Stella anu principiatu è u prugettu di Schinali seguitarà. A Casa Ovale di u Tarritoriu annant'à u Stadiu di Rugby avanze, una via ferrata sera custruita annant'à u situ di Bracaghju. I studii per a priservazione di l'acconci paisaghji di i nostri spazii litturali, è a rinnuvazione di di a torra Caldanu saranu lanciati à a rientrata. U pianu di rifarenza di a marina di Sant'Ambrosgiu si compie è u prugettu d'accunciamentu di u centru anzianu hè in corsu di prugrammazione.
In aspittendu, gudemu tutti di a dulcezza in quellu periodu d'istatina, è rispittendu i gesti barriera è l'alluntananza, ritruvemuci, indè l'umore bonu è a gioia di campà di u nostru PAESE magnificu di Lumiu.
Etienne Suzzoni
Merre di Lumiu